Bye boei by Bloemhof VLU - 'n les in volharding en waarde

Tydens Bloemhof VLU se vergadering op Woensdag, 11 Junie 2025 het lede 'n besondere en leersame praatjie bygewoon oor byeboerdery, aangebied deur Ida Jacobs van Schweizer-Reneke.

- 

Haar liefde vir bye het op verrassende wyse ontstaan – toe 'n swerm hul intrek neem in 'n wynvaatjie wat op haar stoep gestaan het. Jacobs het die vaatjie oorspronklik vir dekoratiewe doeleindes gekoop, maar toe sy die naweek 'n klomp gaste verwag het, het sy besluit om die bye nie dood te maak nie. “Bye is deel van God se skepping en speel 'n onontbeerlike rol in ons ekosisteem," het sy gesê. In plaas daarvan het sy dadelik navorsing gedoen en 'n byekorf geleen. Omdat bye geneig is om hul oorspronklike nesplek te probeer opspoor, moes sy die swerm sowat ses kilometer van haar huis af verskuif. In haar aanbieding het Jacobs di