આયુર્વેદસંહિતા

ઉનાળાની ગરમીમાં સૌથી વધુ રોગો થવાની સંભાવના રહે છે.

- વૈધ વંદના ખત્રી વૈધ મિહિર ખત્રી

ઉનાળાની ગરમીમાં સૌથી વધુ રોગો થવાની સંભાવના રહે છે. રોગોમાં પણ ખાવા-પીવાનું ધ્યાન રાખવામાં ના આવે તો રોગની ગંભીરતા વધી પણ શકે છે. આ વખતે થતા રોગો અને તેની સારવાર વિષે જાણીએ.

પેશાબમાં બળતરા (યુ.ટી.આઈ.):

ઉનાળાની ગરમીમાં પાણી પીવાની માત્રા ઓછી થઈ જાય તો પેશાબ આવવાની માત્રા ઘટે છે અને અમુક વાર અસહ્ય બળતરા સાથે આવે છે. તૂટક તૂટક તેમજ દુઃખાવા સાથે પેશાબ આવે છે.

ઉપાયઃ ત્યારે એક કપ હૂંફાળા દૂધમાં બે ચપટી ખાવાનો સોડા (સોયા બાય કાર્બ) મિક્સ કરી દિવસમાં ત્રણ વાર પી જવું. તરત જ પેશાબ ખુલાસીને આવશે અને બળતરા પણ બંધ થઈ જશે. આ પ્રયોગ લાંબો સમય ચાલુ ના રાખવો. એક ગ્લાસ પાણીમાં બે ચમચી ઘાણા પાઉડર, એક ચમચી સાકરનો પાઉડર મિક્સ કરી કલાક સુધી પલાળી રાખીને પછી પી જવું. ધાણા પોતે મૂત્રલ એવં શીત છે. અર્થાત્ પેશાબ છૂટથી લાવનાર અને ઠંડક કરનાર છે. દિવસમાં ત્રણ-ચાર વાર પી જવું, અને આ પ્રયોગ લાંબો સમય સુધી ચાલુ રાખવો. હાઈ બીપીમાં પણ ફાયદો કરશે.