ભારત પર ૫૦૦ ટકા ટેરિફ નહીં લાગે? અમેરિકા ટ્રેઝરી સેક્રેટરીનો મોટો ખુલાસો

ભારતે રશિયા પાસેથી ઓઈલની ખરીદી બંધ કરી સ્કોટ બેસન્ટ

- 

યુએસ ટ્રેઝરી સેક્રેટરી સ્કોટ બેસન્ટે જણાવ્યું છે કે રાષ્ટ્રપ્રમુખ ડોનાલ્ડ ટ્રમ્પને રશિયન તેલ ખરીદનારા દેશો પર પ૦૦ ટકા ટેરિફ લાદવા માટે સેનેટની મંજૂરીની જરૂર નથી, જોકે તેમણે સ્પષ્ટતા કરી કે આ વખતે ટેરિફ ટાર્ગેટ પર ભારત નહીં, પરંતુ ચીન છે. સ્કોટ બેસન્ટે દાવો કર્યો હતો કે ટ્રમ્પ વહીવટીતંત્રે ભારત પર ૨૫ ટકા ટેરિફ લાદ્યા બાદ ભારતે રશિયન તેલ ખરીદવાનું બંધ કરી દીધું છે. તેમણે જણાવ્યું હતું કે અમેરિકાની કડક વેપારનીતિના કારણે ભારતે તેની આયાતમાં ફેરફાર કર્યો છે.