એક્ટિવા સાથે બાઈક અડી જવા મામલે યુવકે મેડિકલના વિદ્યાર્થીને છરીના ઘા ઝીંકી દીધા

કૃષ્ણનગરનો બનાવઃ વિધાર્થી પોતાના ઘરે જઈ રહ્યો હતો ત્યારે ઘટના બની

- 

નાની નાની બાબતમાં હિંસક હુમલાની ઘટના વધતાં પોલીસ ટેન્શનમાં આવી ગઈ છે. મેઘાણીનગરમાં સામાન્ય બાબતમાં થયેલી હત્યા બાદ કૃષ્ણનગરમાં પણ એક મેડિકલ કોલેજમાં અભ્યાસ કરતા વિદ્યાર્થી પર છરી વડે હુમલો થતાં ચકચાર મચી ગઈ છે. વિદ્યાર્થીનું બાઈક એક્ટિવા સાથે અડી જવા મામલે યુવકે તેના પ૨ હુમલો કરીને છરી હુલાવી દીધી હતી. પોલીસે અજાણ્યા યુવક વિરુદ્ધ ગુનો નોંધીને તપાસ શરૂ કરી છે.