અમદાવાદ એરપોર્ટ પરથી ત્રણ મહિનામાં રૂ. ૨૫૦ કરોડનો હાઈબ્રિડ ગાંજો ઝડપાયો

આજે સવારે ડીઆરઆઈ અને કસ્ટમે એરપોર્ટ પરથી ૧૫ કરોડના ગાંજા સાથે બે પેસેન્જરને ઝડપી લીધાઃ બેંગકોકથી ગાંજો લઈ આવી રહ્યા હતા

- 

ડ્રગ્સ માફિયાઓની નજર હવે અમદાવાદ ઇન્ટરનેશનલ એરપોર્ટ પર હોય તેવું લાગી રહ્યું છે, કારણ કે છેલ્લા ત્રણ મહિનામાં ૨૫૦ કરોડના ગાંજા સાથે ૧૨ લોકો ઝડપાયા છે. ડ્રગ્સ માફિયા ઇન્ટરનેશલ એરપોર્ટને ડ્રગ્સની તસ્કરી માટેનું હબ સમજી બેઠા છે, પરંતુ કસ્ટમ, ડિરેક્ટોરેટ ઓફ રેવન્યૂ ઈન્ટેલિજન્સ (ડીઆરઆઇ) અને ગુજરાત પોલીસની સતર્કતાના કારણે તેમના ઇરાદાઓ પર પાણી ફરી વળ્યું છે. અમદાવાદના ઇન્ટરનેશલ એરપોર્ટ પરથી આજે સવારે બે પેસેન્જર પાસેથી ૧૫ કરોડ રૂપિયાનો હાઇબ્રિડ ગાંજો ઝડપાયો છે. છેલ્લા બે મહિનામાં ૧૨ કેરિયરની ધરપકડ કરવામાં આવી છે, જે હાઇબ્રિડ ગાંજો લઇને આવી રહ્યા હતા.