બાલવાટિકામાં આજથી ડાઈનાસોર પાર્ક અને ઈલ્યુઝન હાઉસ સહિત ૨૮ રાઈડ્સનો આનંદ

કાંકરિયા બાલવાટિકાનું આજે સાંજે મુખ્યપ્રધાન ભૂપેન્દ્ર પટેલના હસ્તે લોકાર્પણ નાનાં બાળકોથી લઈ મોટા લોકો સુધીની એન્ટ્રી ફી રૂ. ૫૦: દરેક રાઈડની અલગ અલગ ફી નક્કી કરાઈ

- 

નાનાં બાળકોથી લઈ મોટા લોકો સુધીની એન્ટ્રી ફી રૂ. ૫૦: દરેક રાઈડની અલગ અલગ ફી નક્કી કરાઈ

લાખો અમદાવાદીઓના સૌથી પ્રિય ફરવાલાયક સ્થળ કાંકરિયા પરિસરમાં આવેલી બાલવાટિકાનું રિડેવલપમેન્ટ કરવામાં આવ્યું છે, જે હવે બાળકોના મનોરંજન અને શૈક્ષણિક પ્રવૃત્તિઓ માટે એક નવલું નજરાણું બની ગયું છે. ગુજરાત અને ભારતમાં સૌપ્રથમ વખત જોવા મળે એવા અવનવા મ્યુઝિયમ અને રમતગમત એક્ટિવિટીઝ સાથે આ બાલવાટિકાને આધુનિક બનાવવામાં આવી છે. આ નવી મોડલ બાલવાટિકાનું આજે સાંજના ૬.૩૦ વાગ્યે મુખ્યપ્રધાન ભૂપેન્દ્ર પટેલના હસ્તે લોકાર્પણ કરવામાં આવશે.