ఎన్నికల బరిలోకి సానీయా మిర్జా..?

మాజీ ఎంపీ అజారుద్దీన్ ప్రతిపాదన! గ్రీన్సిగ్నల్ ఇవ్వనున్న కాంగ్రెస్ హైకమాండ్ !! ఢిల్లీ చేరుకున్న సిఎం రేవంత్, డిప్యూటి భట్టి

కాంగ్రెస్ కమిటీలో ఎంపి స్థానాలపై తుది నిర్ణయం 

8స్థానాలపై చర్చించనున్న నేతలు

కరీంనగర్ కాంగ్రెస్ అభ్యర్థిపై ఉత్కంఠ

తెరపైకి తీన్మార్ మల్లన్న పేరు

మిగిలిన సీట్లను ఖరారు చేయనున్న కాంగ్రెస్

సార్వత్రిక ఎన్నికల వేడి తెలంగాణకు బాగానే తాకింది. టికెట్ల ఎంపికలో పార్టీ నేతలు జాగ్రత్తగా వ్యవహరి స్తున్నారు.తాజాగా కాంగ్రెస్ తరపున సానియా మీర్జా హైదరాబాద్ లోక్సభ అభ్యర్థిగా బరిలోకి దిగనున్నట్లు ప్రచారం జోరుగా సాగుతోంది. బుధవారం ఢిల్లీలో కాంగ్రెస్ ఎన్నికల కమిటీ భేటీ అయ్యింది.ముఖ్యంగా తెలంగాణలోని అభ్యర్థులపై ప్రముఖంగా ఫోకస్ చేశారు. టికెట్ రేసులో ఇద్దరు ముగ్గురు నేతలు ఉండడం తో సర్వేలను దగ్గర పెట్టి ఎంపిక చేస్తున్నారు నేతలు.

హైదరాబాద్, మార్చి 27: తాజాగా అందుకున్న సమాచారం ప్రకారం కాంగ్రెస్ పార్టీ హైదరాబాద్ ఎంపీ అభ్యర్థిగా సానియామీర్జాను కాంగ్రెస్ హైకమాండ్ దాదాపు ఓకే అయినట్టు ఢిల్లీ వర్గాల సమాచారం. ఆమె పేరును మాజీ ఎంపీ అజారుద్దీన్ ప్రతిపాదన చేశారని అంటున్నారు. సానియామీర్జా ఇమేజ్ కూడా కలిసివస్తుందని నేతల ఆలోచన. ఈ విషయమై కాంగ్రెస్ నేతలు సానియాతో చర్చించినట్టు పొలిటికల్ టాక్. ఈ సీటు నుంచి బీజేపీ తరపున డాక్టర్ మాధవీలత బరిలో ఉ న్నారు. ఆమెకు ధీటుగా నిలబెట్టేందుకు కాంగ్రెస్ పార్టీ కసరత్తు చేసింది. సానియామీర్జా గురించి చెప్పనక్కర్లేదు. గత ప్రభుత్వంలో తెలంగాణ బ్రాండ్ అంబాసిడర్గా వ్యవహరించారు. ఆమెకు దేశంలోనే కాకుండా అంతర్జాతీయంగా ఖ్యాతి గడించారు. ఈ క్రమంలో ఆమె సేవలను పార్టీకి ఉ పయోగించుకోవాలన్నది కాంగ్రెస్ పార్టీ ఆలోచనగా చెబుతున్నారు. 2003 నుంచి క్రీడాకారిణిగా ప్రస్థానం మొదలుపెట్టారు.అంచెలంచెలుగా ఎదుగుతూ నెంబర్ వన్ స్థాయికి చేరుకున్నారు.