Oefen met ‘n verskil saam met Daniël

Om gesond te leef is nie net 'n modegier nie, maar 'n leefstyl wat veel meer behels as net gesonde eetgewoontes.

- Maretha Swanepoel

Daniël van Ryneveld het groot geword in 'n familie wat aktief is en het nog altyd daarvan gehou om gesond en aktief te wees.

"Ek is basies in die fiksheidsindustrie in gebore en het beide die goeie en slegte daarvan beleef. Ek het gesien dat die strewe na 'n gesonde leefstyl en 'n goeie voorkoms baie vinnig in 'n afgod kan verander en jou lewe totaal en al verwoes wanneer jy dit nie beheer nie.

"Om gesond te eet en te oefen is belangrik maar beteken niks as jy nie 'n verhouding met Jesus het nie."

Daniël het onlangs 'n nuwe oefenkonsep bekend gestel waarin kondisionering, kragoefeninge, Pilates en 'rebounding' gekombineer word.