Moths hou skitterdinee met volle regalia

Lede van die Botha Skuilgat van die Agbare Orde van die Staaldakke (Moths) het Saterdagaand luister aan die jaarlikse dinee verleen toe hulle met volle regalia by die skuilgat in die stad opgedaag het.

- Barry Viljoen

‘Old Bill’ Anton le Roux het ‘n kort boodskap gelewer en aangekondig dat hierdie jaar se dinee vir die eerste keer deur lede self beplan en aangebied is sonder die inset van diensverskaffers.

Hy het die lede bedank vir hul harde werk deur die jaar en in besonder die vroue wat hulle mans met raad en daad bygestaan het.