சென்னையில் 13 நாட்களாக போராடி வந்த 900 துப்புரவுப் பணியாளர்கள் நள்ளிரவு முதல் சிறைவைப்பு!

4 பேர் மயங்கியதால் பரபரப்பு; 20 வக்கீல்களும் கைதானதாக தகவல் !!

- 

சென்னை மாநகராட்சி ரிப்பன் மாளிகை வளாகத்தில் 13 நாட்களாக போராட்டம் நடத்தி வந்த சுமார் 900 துப்புரவுப் பணியாளர்கள் நள்ளிரவில் கைது செய்யப்பட்டார்கள். அவர்கள் மண்டபங்களில் தொடர்ச்சியாக சிறை வைக்கப்பட்டுள்ளனர். அதில் 4 பெண்கள் மயக்கம் அடைந்தனர். அவர்களுக்கு ஆதரவு தெரிவிக்கச் சென்ற 20 வழக்கறிஞர்கள் கைது செய்யப்பட்டுள்ளதாக கூறப்படுகிறது.

சென்னை மாநகராட்சியின் மண்டலங்கள் 5 மற்றும் 6-ல் பணியாற்றும் தூய்மைப் பணியாளர்களின் பணிகளை தனியாரோப்பந்ததாரர்களுக்கு வழங்கும் முடிவை மாநகராட்சி எடுத்தது. இதுதங்களின் வாழ்வாதாரத்தையும், பணிப் பாதுகாப்பையும் கடுமையாகப் பாதிக்கும் என்று கூறி, பணியாளர்கள் கடந்த 13 நாட்களாகத் தொடர்ந்த போராட்டத்தில் ஈடுபட்டனர். தங்களுக்குக் காலமுறை ஊதியத்துடன் கூடிய பணி நிரந்தரம் வழங்க வேண்டும் என்பதே அவர்களின் பிரதான கோரிக்கையாக இருந்தது.

இந்தப்போராட்டத்திற்கு பல்வேறு அரசியல் கட்சிகள், சமூக அமைப்புகள் மற்றும் பொதுமக்களின் ஆதரவு பெருகி வந்தது.