திருச்செந்தூர் கோவில் கும்பாபிஷேகம் 1ந் தேதி யாகசாலை பூஜைகள் ஆரம்பம்

திருச்செந்தூர் சுப்பிரமணிய சுவாமி கோவிலில் ரூ.200 கோடியில் பெருந்தட்ட வளாக பணிகளும், ரூ.100 கோடியில் அறநிலையத்துறை சார்பில் திருப்பணிகளும் நடந்து வருகிறது. இதில் திருப்பணிகள் பெரும்பாலும் நிறைவு பெற்றுள்ளன.

- 

ராஜகோபுரம் கலசங்கள் புதுப்பிக்கப்பட்டு கோபுரங்கள் புனரமைப்பு செய்யப்பட்டுள்ளது. கோவில் உள்புறம் பழமை மாறாமல் புனரமைப்பு செய்யப்பட்டுள்ளது. இக்கோவிலில் சுவாமி மூலவர், சண்முகர், வள்ளி, தெய்வானை, பெருமாள், நடராஜர் விமான கலசங்களில் தங்கத்தகடு பதிக்கும் பணி முடிவடைந்துவிட்டது. வருகிற 7ந் தேதி மகா கும்பாபிஷேகம் நடக்கிறது.