நாமக்கல் மாநகராட்சியில் நூலக கட்டிடங்கள் திறப்பு

தமிழ்நாடு முதலமைச்சர் சென்னையில், அனைத்து மாவட்டங்களிலும் கட்டப்பட்டுள்ள 110 கூடுதல் நூலகக் கட்டடங்கள், பரமக்குடி முழுநேர கிளை நூலகக் கட்டடம் மற்றும் 70 சிறப்பு நூலகங்களை திறந்து வைத்ததைத் தொடர்ந்து, ஆதிதிராவிடர் நலத்துறை அமைச்சர் மதிவேந்தன் நாமக்கல் மாநகராட்சி முதலைப்பட்டியில் திறந்து வைக்கப்பட்ட புதிய கூடுதல் நூலக கட்டடத்தினை பார்வையிட்டு, வாசிப்பாளர்கள் பயன்பாட்டிற்கு வழங்கினார்.

- 

தமிழ்நாடு முதலமைச்சர் சென்னை, சென்ட்ரல் மெட்ரோ ரயில் நிலையத்தில் இன்று (10.06.2025) பள்ளிக் கல்வித் துறையின் சார்பில் ரூ.1.85 கோடி மதிப்பில் அமைக்கப்பட்டுள்ள சென்னை புத்தகப் பூங்கா. பொது நூலக இயக்ககம் சார்பில் ரூ.29.80 கோடி மதிப்பில் அனைத்து மாவட்டங்களிலும் கட்டப்பட்டுள்ள 110 கூடுதல் நூலகக் கட்டடங்கள், பரமக்குடி முழுநேர கிளை நூலகக் கட்டடம் மற்றும் 70 சிறப்பு நூலகங்களை திறந்து வைத்தார்கள். மேலும், தமிழ்நாடு பாடநூல் மற்றும் கல்வியியல் பணிகள் கழகத்தால் உருவாக்கப்பட்ட 84 நூல்களை வெளியிட்டு, தமிழ்நாடு பாடநூல் கழக நூல்கள் விற்பனைக்கான மின்வணிக இணையதளத்தை தொடங்கி வைத்தார்கள்.