ஒட்டன்சத்திரத்தில் உலக சுற்றுச்சூழல் தின விழா உணவுத்துறை அமைச்சர் பங்கேற்பு

திண்டுக்கல் மாவட்டம் ஒட்டன்சத்திரம் வனச்சரக அலுவலகத்தில் தமிழ்நாடு வனத்துறை மற்றும் கிருபா பவுண்டேஷன் சார்பில் உலக சுற்றுச்சூழல் தினவிழா மாவட்ட ஆட்சியர் செ. சரவணன் தலைமையில் நடைபெற்றது.

- 

இந்நிகழ்ச்சிக்கு வருகை தந்த அனைவரையும் கிருபா பவுண்டேஷன் இயக்குனர் சிவகுமார் வரவேற்றார். மேலும் இந்நிகழ்ச்சியில் சிறப்பு விருந்தினராக உணவு மற்றும் உணவுப் பொருள் வழங்கல் துறை அமைச்சர் அர. சக்கரபாணி பங்கேற்று பேசியதாவது, திண்டுக்கல் மாவட்டத்தில் 1989–90 காலகட்டங்களில் டாக்டர் கலைஞர் ஆட்சி காலத்தில் மேற்கு தொடர்ச்சி மலை பகுதிகளில் மரங்களை அடர்த்தியாக வளர்ப்பதற்கு ஹெலிகாப்டர் மூலம் பரவலாக விதைகள் தூவி அடர்த்தியான வனங்களாக மாற்றுவதற்கு முயற்சிகள் முன்னெடுக்கப்பட்டது.