ગુજરાત યુનિવર્સિટીના નવા કુલપતિ માટે 3 સભ્યોની સર્ચ કમિટી રચાશે

યુનિવર્સિટીના એકેડેમિક અને એક્ચ્યુકેટિવ કાઉન્સિલ દ્વારા અગાઉ જૂનાગઢ યુનિવર્સિટીના કુલપતિ ચેતન ત્રિવેદીની પસંદગી કરવામાં આવી હતી

- 

અમદાવાદ

ગુજરાત યુનિવર્સિટીના નવા કુલપતિની નિમણૂક માટે 3 સભ્યોની સર્ચ કમિટી રચવાની છે. યુનિવર્સિટીના એકેડેમિક અને એક્ચ્યુકેટિવ કાઉન્સિલ દ્વારા અગાઉ જૂનાગઢ યુનિવર્સિટીના કુલપતિ ચેતન ત્રિવેદીની પસંદગી કરવામાં આવી હતી. ત્યારબાદ આજે જોઈન્ટ બોર્ડ ઓફ વાયસ ચાન્સેલરની બેઠક યોજાઇ હતી જેમાં 13 અલગ અલગ યુનિવર્સિટીના કુલપતિ હાજર રહ્યા હતા જેમાં સર્વાનુમતે સર્ચ કમિટીના સભ્ય તરીકે બિરસા મુંડા ટ્રાયબલ યુનિવર્સિટીના કુલપતિ મધુકર પાડવીની નિમણૂક કરવામાં આવી છે.