Superliga-riller: Trane of triomf wag vir SWD top-4

Die rugbykruitvat is gepak, die lont is aan die brand - en nou wag die groot ontploffing Saterdagmiddag, 20 September, wanneer die twee halfeindstryde in die SWD Superliga Top 8-kompetisie beslis word.

- Hugo Redelinghuys

Pacaltsdorp en Heidelberg gaan beslis uit hul nate bars wanneer dié vier swaargewigte en pasaangeërs van die Superliga mekaar takel.

Dis die oomblik van waarheid vir Evergreens, Bridgton, Heidelberg en Progress. Die wenners pak mekaar in die eindstryd op Outeniquapark, terwyl die verloorders se seisoen in stilte en trane eindig. 'n Datum vir die eindstryd moet nog bekendgemaak word.