ஆய்வுக்காக தங்கக் கவசங்கள் அகற்றம்

சபரிமலையில் தங்கம் மாயமான விவகாரம்

- 

சபரிமலை ஐயப்பன் கோயிலில் தங்கம் மாயமான விவகாரம் தொடர்பாக சிறப்பு புலனாய்வுக் குழுவினர் (எஸ்ஐடி) அறிவியல்பூர்வ ஆய்வை மேற்கொள்ள, சந்நிதானத்தில் கருவறைக் கதவுகள், துவாரபாலகர் சிலைகளின் தங்கக் கவசங்கள் திங்கள்கிழமை அகற்றப்பட்டு, மாதிரிகள் சேகரிக்கப்பட்டன.

கடந்த 2019-ஆம் ஆண்டு, சபரிமலை ஐயப்பன் கோயிலின் கருவறைக் கதவுகள், துவாரபாலகர் சிலைகளின் தங்கக் கவசங்கள் புதுப்பிக்கப்பட்ட பிறகு, அவற்றின் எடை குறைந்ததாக புகார் எழுந்தது. கேரள உயர் நீதிமன்றம் அமைத்த சிறப்புப் புலனாய்வுக் குழு இந்த விவகாரத்தை விசாரித்து வருகிறது.