இந்தியாவில் சந்தா கட்டணங்களை

இந்தியாவின் அந்நியச் செலாவணி கையிருப்பு ஜூலை 4-ஆம் தேதியுடன் நிறைவடைந்த வாரத்தில் 69,973.6 கோடி டாலராக குறைந்துள்ளது.

- 

மும்பை, ஜூலை 12:

இது குறித்து ரிசர்வ் வங்கி வெளியிட்டுள்ள புள்ளிவிவரங்கள் தெரிவிப்பதாவது:

ஜூலை 4-ஆம் தேதியுடன் நிறைவடைந்த வாரத்தில் நாட்டின் அந்நியச் செலாவணி கையிருப்பு 304.9 கோடி டாலர் குறைந்து 69,973.6 கோடி டாலராக உள்ளது.

முந்தைய ஜூன் 27-ஆம் தேதியுடன் நிறைவடைந்த வாரத்தில் அது 484.9 கோடி டாலர் உயர்ந்து 70,278.4 கோடி டாலராக இருந்தது.

2024 செப்டம்பர் இறுதியில் அந்நியச் செலாவணி கையிருப்பு 70,488.5 கோடி டாலர் என்ற உச்சத்தை எட்டியிருந்தது. உலகளாவிய பொருளாதார சூழல்களால் ஏற்படும் அழுத்தங்களுக்கு இடையே ரூபாய் மதிப்பைப் பாதுகாப்பதற்காக ரிசர்வ் வங்கி அந்நியச் செலாவணியைப் பயன்படுத்துவதால், அதன் கையிருப்பு அவ்வப்போது குறைந்து வந்தது.