சிவகங்கையில் மக்கள் நீதிமன்றம்: 1914 வழக்குகளுக்கு சமரசத் தீர்வு

சிவகங்கையில் மாவட்ட அளவில் சனிக்கிழமை நடைபெற்ற தேசிய மக்கள் நீதிமன்றங்களில் 1,914 வழக்குகள் முடிக்கப்பட்டு, ரூ. 11.20 கோடி பயனாளிகளுக்கு அளிக்கப்பட்டது.

- 

சிவகங்கை/ பரமக்குடி, ஜூன் 14:

நீதிமன்றங்களில் நிலுவையில் உள்ள வழக்குகளும், வங்கிக்கடன் நிலுவை சம்பந்தப்பட்ட நீதிமன்றத்தில் தாக்கல் செய்யப்படாத வழக்குகளும் விசாரணைக்காக எடுத்துக்கொள்ளப்பட்டன.

சிவகங்கை முதன்மை மாவட்ட நீதிபதி கே.அறிவொளி, கூடுதல் மாவட்ட நீதிபதி பி.பார்த்தசாரதி, ஊழல் தடுப்பு நீதிமன்ற நீதிபதி என்.செந்தில்முரளி, சார்பு நீதிபதி ஆர்.பாண்டி, மாவட்ட சட்டப்பணிகள் ஆணைக்குழு செயலரும், சார்பு நீதிபதியுமான வி.ராஜிகா, மாவட்ட உரிமையியல் நீதிபதி தீபதர்ஷினி, குற்றவியல் நீதித்துறை நடுவர்கள் பி.செல்வம், இ.தங்கமணி, வழக்குரைஞர்கள் ஓ.ஜானகிராமன், பி.செந்தில்குமரன், டி.செந்தில்குமார் ஆகியோர் வழக்குகளை விசாரித்தனர்.