ம.பி. மாநில அமைச்சர் சர்ச்சை கருத்து விவகாரம்: உயர்நீதிமன்றத்தில் விசாரணையை நிறுத்த உத்தரவு

கர்னல் சோஃபியா குரேஷி குறித்து மத்திய பிரதேச மாநில அமைச்சர் விஜய் ஷா சர்ச்சை கருத்து தெரிவித்த விவகாரம் தொடர்பான விசாரணை உச்சநீதிமன்றத்தில் தற்போது தொடங்கியுள்ளதால், மத்திய பிரதேச உயர்நீதிமன்றத்தில் அதுதொடர்பான விசாரணை நிறுத்தப்பட வேண்டும் என உச்சநீதிமன்றம் புதன்கிழமை உத்தரவிட்டது.

- 

புது தில்லி, மே 28:

மேலும், இந்த விவகாரம் தொடர்பாக விசாரித்துவரும் சிறப்பு விசாரணைக் குழு (எஸ்ஐடி) விசாரணை தொடர்பான நிலை அறிக்கையை தாக்கல் செய்யுமாறும் உச்சநீதிமன்றம் உத்தரவிட்டது.

‘ஆபரேஷன் சிந்தூர்’ நடவடிக்கைக்குப் பிறகு, இந்தியா-பாகிஸ்தான் இடையே சண்டை மூண்டது. பாகிஸ்தானின் தாக்குதல்களை தனது வான் பாதுகாப்பு அமைப்பு மூலம் இந்தியா வெற்றிகரமாக முறியடித்தது.

இந்தத் தாக்குதல்கள் தொடர்பான அதிகாரபூர்வ விவரங்களை தில்லியில் நடைபெற்ற தொடர்பத்திரிகையாளர் சந்திப்புகளில் வெளியுறவுத் துறைச் செயலர் விக்ரம் மிஸ்ரி, கடற்படை கமாண்டர் ரகு நாயர், விமானப்படையின் விங் கமாண்டர் வியோமிகா சிங் மற்றும் ராணுவத்தின் கர்னல் சோஃபியா குரேஷி ஆகியோர் இணைந்து வெளியிட்டு வந்தனர்.