கேரளத்தில் 2-ஆவது நாளாக நீடிக்கும் பலத்த மழை

ஒருவர் உயிரிழப்பு - இயல்பு வாழ்க்கை பாதிப்பு

- 

திருவனந்தபுரம், மே 25: கேரளத்தில் 2-ஆவது நாளாக ஞாயிற்றுக்கிழமையும் நீடித்த பலத்த மழையால் இயல்பு வாழ்க்கை பாதிக்கப்பட்டது.

தொடர்மழை காரணமாக மாநிலம் முழுவதும் ஆறுகளில் வெள்ளம் கரைபுரண்டு ஓடுகிறது; அணைகள் வேகமாக நிரம்பி வருகின்றன; தாழ்வான இடங்களில் மழைநீர் புகுந்துள்ளது.

இந்தியாவில் வழக்கமாக ஜூன் 1-ஆம் தேதி தொடங்கும் தென்மேற்குப் பருவமழை, 16 ஆண்டுகளுக்குப் பிறகு 8 நாள்கள் முன்கூட்டியே கேரளத்தில் கடந்த சனிக்கிழமை (மே 24) தொடங்கியது. இதையொட்டி, அந்த மாநிலம் முழுவதும் கனமழை பெய்துவருகிறது.