மானாமதுரை, திருப்புவனம், திருப்பத்தூர் சிவன் கோயில்களில் பிரதோஷ வழிபாடு

சிவகங்கை மாவட்டம், மானாமதுரை, திருப்புவனம், இளையான்குடி, திருப்பத்தூர் பகுதிகளில் உள்ள சிவன் கோயில்களில் வெள்ளிக்கிழமை பிரதோஷ வழிபாடு நடைபெற்றது.

- 

மானாமதுரை/திருப்பத்தூர், ஏப்.25:

மானாமதுரை ஆனந்தவல்லி அம்மன் சமேத சோமநாதர் சுவாமி கோயிலில் பிரதோஷ வழிபாட்டையொட்டி மூலவர் சோமநாதர் சுவாமிக்கும், நந்தி தேவருக்கும் 16 வகையான அபிஷேகப் பொருள்களால் அபிஷேகம் நடத்தி சிறப்பு அலங்காரம் செய்து பூஜைகள், தீபாராதனைகள் நடைபெற்றன.

இதைத் தொடர்ந்து, வெள்ளி ரிஷப வாகனத்தில் பிரதோஷ மூர்த்தி புறப்பாடு நடைபெற்றது. இதில் திரளான பக்தர்கள் பங்கேற்று சோமநாதர் சுவாமியையும், நந்தியையும் தரிசித்தனர்.