3-ஆவது சுற்றில் ஸ்வெரெவ், மெத்வதெவ்

கனடா ஓபன் டென்னிஸ் போட்டியில் முன்னணி வீரர்களான ஜெர்மனியின் அலெக்ஸாண்டர் ஸ்வெரெவ், ரஷ்யாவின் டேனியல் மெத்வதெவ் உள்ளிட்டோர் 3-ஆவது சுற்றுக்கு முன்னேறினர்.

- 

மான்ட்ரியல், ஜூலை 30:

ஆடவர் ஒற்றையர் 2-ஆவது சுற்றில், போட்டித்தரவரிசையில் முதலிடத்தில் இருக்கும் ஸ்வெரெவ் 7-6 (8/6), 6-4 என்ற செட்களில் ஆஸ்திரேலியாவின் ஆடம் வால்டனை வீழ்த்தினார். அடுத்து அவர், இத்தாலியின் மேட்டியோ அர்னால்டியை எதிர்கொள்கிறார்.

போட்டித்தரவரிசையில் 32-ஆம் இடத்திலிருக்கும் அர்னால்டி 6-3, 3-6, 6-3 என்ற செட்களில், ஆஸ்திரேலியாவின் டிரிஸ்டன் ஸ்கூல் கேட்டை வீழ்த்தி 3-ஆவது சுற்றுக்கு வந்துள்ளார். 8-ஆம் இடத்திலிருக்கும் கேஸ்பர் ரூட் 6-3, 6-3 என்ற நேர் செட்களில் மிக எளிதாக, ரஷ்யாவின் ரோமன் சஃபியுலினை சாய்த்தார். 3-ஆவது சுற்றில் போர்ச்சுகலின் நுனோ போர்ஜஸை சந்திக்கிறார் ரூட்.