பங்குச் சந்தை குறித்து அச்சத்தை பரப்புகிறார் ராகுல்: பாஜக குற்றச்சாட்டு

இந்திய பங்குச் சந்தைகள் குறித்து தேவையற்ற அச்சத்தையும், தவறான தகவல்களையும் எதிர்க்கட்சித் தலைவர் ராகுல் காந்தி பரப்பி வருவதாக பாஜக குற்றஞ்சாட்டியுள்ளது.

- 

புது தில்லி, ஜூலை 7:

அமெரிக்காவைச் சேர்ந்த ஜேன் ஸ்ட்ரீட் கேப்பிடல் என்ற பங்கு வர்த்தக நிறுவனத்துக்கு இந்தியப் பங்குச் சந்தை ஒழுங்காற்று வாரியம் (செபி) தடை விதித்துள்ளது. இந்திய பங்குச் சந்தையில் தங்களுக்கு சாதகமான விளைவுகளை ஏற்படுத்த முயற்சித்த குற்றச்சாட்டில் இந்த நடவடிக்கை எடுக்கப்பட்டது.

இது தொடர்பாக ராகுல் காந்தி 'எக்ஸ்' வலைதளத்தில் வெளியிட்ட பதிவில், செபி மீது குற்றஞ்சாட்டியதுடன், பல்வேறு கேள்விகளை எழுப்பியிருந்தார்.