ஏவிஎம் சரவணன் (86) காலமானார்

திரைப்படத் தயாரிப்பாளர் ஏவிஎம் சரவணன் (86) சென்னையில் வியாழக்கிழமை காலமானார்.

- 

சென்னையில் காலமான திரைப்படத் தயாரிப்பாளர் ஏவி.எம் சரவணன் உடலுக்கு வியாகுலத்துடனும் அஞ்சலி செலுத்திய முதல்வர் மு.க.ஸ்டாலின். உடன் மக்கள் நல்வாழ்வுத் துறை அமைச்சர் மா.சுப்பிரமணியன் உள்ளிட்டோர்.

அவர் புதன்கிழமை தனது பிறந்தநாளைக் கொண்டாடிய நிலையில், மறுநாள் காலை உயிரிழந்தது திரையுலகினரிடையே ஆழ்ந்த சோகத்தை ஏற்படுத்தியுள்ளது.

இந்திய திரைத் துறையில் பழைமையான திரைப்படத் தயாரிப்பு நிறுவனங்களில் ஒன்று 'ஏவிஎம் புரொடக்ஷன்ஸ்'. தமிழ் உள்பட பல்வேறு மொழிகளில் 300-க்கும் மேற்பட்ட திரைப்படங்களை ஏவிஎம் நிறுவனம் தயாரித்துள்ளது. நடிகர்கள் சிவாஜி, கமல் ஹாசன் ஆகியோரை வெள்ளித் திரையில் அறிமுகம் செய்த நிறுவனம் ஏவிஎம். இதன் நிறுவனர் ஏவி. மெய்யப்ப செட்டியாரின் மகன்களில் ஒருவர்தான் ஏவிஎம் சரவணன்.