எதிர்கால விண்வெளித் திட்டங்களுக்கு 50 விண்வெளி வீரர்களை தயார்படுத்த வேண்டும்

இந்தியாவின் எதிர்கால விண்வெளித் திட்டங்களுக்கு 40 முதல் 50 விண்வெளி வீரர்களைத் தயார்படுத்த வேண்டும் என பிரதமர் நரேந்திர மோடி தெரிவித்தார்.

- பிரதமர் மோடி

புது தில்லி, ஆக. 19:

அமெரிக்காவில் இருந்து நாடு திரும்பிய இந்திய விண்வெளி வீரர் சுபான்ஷு சுக்லாவுடன் திங்கள்கிழமை கலந்துரையாடியபோது பிரதமர் மோடி இவ்வாறு தெரிவித்தார். இந்தக் காணொலி செவ்வாய்க்கிழமை வெளியிடப்பட்டது.

மனிதர்களை விண்ணுக்கு அனுப்பும் இந்தியாவின் ககன்யான் திட்டத்துக்காக தேர்வான வீரர்களில் ஒருவரான சுக்லா, அனுபவப் பயிற்சி நோக்கங்களுக்காக விண்வெளிக்குப் பயணித்தார்.