வேளாண்மைப் பல்கலைக்கழகத்தில் பொதுப் பிரிவு மாணவர் சேர்க்கைக்கு இன்றுமுதல் சான்றிதழ் சரிபார்ப்பு

தமிழ்நாடு வேளாண்மைப் பல்கலைக்கழகத்தில் பொதுப் பிரிவு இட ஒதுக்கீட்டில் தற்காலிகமாக தேர்வு பெற்ற விண்ணப்பதாரர்கள் ஜூலை 21-ஆம் தேதி முதல் 26-ஆம் தேதி வரை நடைபெறவுள்ள சான்றிதழ் சரிபார்ப்பில் கலந்துகொள்ள அறிவுறுத்தப்பட்டது.

- 

கோவை, ஜூலை 20:

இது தொடர்பாக தமிழ்நாடு வேளாண்மைப் பல்கலைக்கழகம் வெளியிட்டுள்ள செய்திக் குறிப்பு: நடப்புக் கல்வியாண்டில் தமிழ்நாடு வேளாண்மைப் பல்கலைக்கழகத்துக்கும், அண்ணாமலைப் பல்கலைக்கழகத்தின் வேளாண்மைப் பிரிவுகளுக்கும் ஒரே விண்ணப்பம் வழியாக இளம் அறிவியல் மாணவர் சேர்க்கை நடைபெற்றது.

மொத்தம் 37,007 பேர் விண்ணப்பித்திருந்த நிலையில், அதில் 29,349 பேர் தரவரிசைக்கு தகுதியானவர்களாகத் தேர்ந்தெடுக்கப்பட்டனர். பின்னர், பொதுப் பிரிவு மற்றும் 7.5 சதவீத இட ஒதுக்கீட்டுக்கான இணையவழிக் கலந்தாய்வு நடைபெற்றது.