திருவண்ணாமலை அருணாசலேஸ்வரர் கோயிலில் தரிசன கட்டணத்தை ரூ.100-ஆக உயர்த்த முடிவு

திருவண்ணாமலை அருணாசலேஸ்வரர் கோயிலில் தரிசன கட்டணத்தை ரூ.50-இல் இருந்து ரூ.100-ஆக உயர்த்த முடிவு செய்துள்ளதாக இந்து சமய அறநிலையத்துறை அமைச்சர் பி.கே. சேகர்பாபு தெரிவித்தார்.

- 

ஆரணி, ஜூலை 17:

அருணாசலேஸ்வரர் கோயில் பகுதியில் பக்தர்களுக்குத் தேவையான அடிப்படை வசதிகளை மேம்படுத்துவது தொடர்பாக அமைச்சர் எ.வ. வேலுவுடன் வியாழக்கிழமை ஆய்வு மேற்கொண்ட அவர் செய்தியாளர்களிடம் கூறியதாவது:

திருவண்ணாமலை அருணாசலேஸ்வரர் கோயிலுக்கு கடந்த சில ஆண்டுகளாக பல்வேறு மாவட்ட, மாநில மற்றும் வெளிநாடுகளில் இருந்து லட்சக்கணக்கான பக்தர்கள் வருகின்றனர். பௌர்ணமி நாட்களில் இந்த எண்ணிக்கை பல மடங்கு அதிகரிக்கிறது.