'உங்களுடன் ஸ்டாலின்' திட்டம்: வேலூர் மாவட்டத்தில் 211 சிறப்பு முகாம்

உங்களுடன் ஸ்டாலின் திட்டத்தின் கீழ் வேலூர் மாவட்டத்தில் மொத்தம் 211 சிறப்பு முகாம்கள் நடத்தப்பட உள்ளதாக மாவட்ட ஆட்சியர் வி.ஆர்.சுப்புலட்சுமி தெரிவித்தார்.

- 

வேலூர், ஜூலை 6: 'உங்களுடன் ஸ்டாலின்' திட்டத்தின் கீழ் வேலூர் மாவட்டத்தில் மொத்தம் 211 சிறப்பு முகாம்கள் நடத்தப்பட உள்ளதாக மாவட்ட ஆட்சியர் வி.ஆர்.சுப்புலட்சுமி தெரிவித்தார்.

இது குறித்து அவர் வெளியிட்ட செய்திக் குறிப்பு: தமிழகத்திலுள்ள ஒவ்வொரு மாவட்டத்திலும் உள்ள கடைக்கோடி மக்களுக்கும், அவர்கள் அன்றாடம் அணுகும் அரசுத் துறைகளின் சேவைகள், திட்டங்களை அவர்கள் வசிக்கும் பகுதிக்கே சென்று வழங்கும் நோக்கத்தில் அனைத்து நகர்ப்புற, ஊரகப் பகுதிகளில், 'உங்களுடன் ஸ்டாலின்' என்ற திட்டம் தொடங்கப்படுகிறது.