அரசுப் பள்ளிகளில் சேர்க்கை பெற்ற தனியார் பள்ளி மாணவர்களின் கற்றல் நிலை

தமிழகத்தில் நிகழ் கல்வியாண்டில், தனியார் பள்ளிகளிலிருந்து விலகி அரசுப் பள்ளிகளில் சேர்க்கை பெற்ற மாணவர்களின் அடிப்படை கற்றல் நிலையை அறிவதற்கான பணிகளை ஆசிரியர்கள், செயலி மூலம் மேற்கொள்ள பள்ளிக்கல்வித் துறை அறிவுறுத்தியுள்ளது.

- 

சென்னை, ஜூன் 17:

தமிழக பள்ளிக் கல்வித் துறையின் கீழ் 37,553 அரசுப்பள்ளிகள் இயங்கி வருகின்றன. இவற்றில் சுமார் 52 லட்சம் மாணவ, மாணவிகள் படிக்கின்றனர்.

மாணவர்கள் நலனுக்காக கற்பித்தல், கற்றல் சார்ந்து எண்ணும்-எழுத்தும், காலை உணவு, ஸ்மார்ட் வகுப்பறைகள் உள்பட பல்வேறு நலத்திட்டங்கள் செயல்படுத்தப்பட்டுள்ளன.

இதற்கிடையே அரசுப் பள்ளிகளில் 2025-26-ஆம் கல்வியாண்டுக்கான மாணவர் சேர்க்கை கடந்த மார்ச் 1 முதல் தொடங்கியது.