திருச்சியில் சிவாஜி கணேசன் வெண்கலச் சிலை: முதல்வர் மு.க.ஸ்டாலின் திறந்துவைத்தார்

திருச்சியில் அமைக்கப்பட்டு 14 ஆண்டுகளாக திறக்கப்படாமல் இருந்த நடிகர் சிவாஜி கணேசன் சிலையை முதல்வர் மு.க. ஸ்டாலின் வியாழக்கிழமை திறந்து வைத்தார்.

- 

திருச்சி, மே 8:

மறைந்த நடிகர் சிவாஜி கணேசனுக்கு 2009-ஆம் ஆண்டு திமுக ஆட்சியில் திருச்சியில் சிலை அமைக்க முடிவு செய்யப்பட்டது.

இதன்படி, பிரபாத் ரவுண்டானாவில் 9 அடி உயரத்தில் முழு உருவ வெண்கலச் சிலை நிறுவப்பட்டது. பணிகள் முடிந்து 2011-இல் சிலை திறக்கும் தருணத்தில் ஆட்சி மாற்றம் ஏற்பட்டது. சிலை அமைக்க மாநகராட்சியில் தீர்மானம் நிறைவேற்றப்பட்டிருந்தும் ஆட்சி மாற்றத்தால் சிலை திறப்பு கிடப்பில்போடப்பட்டது.