வேலைவாய்ப்பு அதிகரித்தாலும் ஊதியம் உயரவில்லை: நீதி ஆயோக் உறுப்பினர்

நாட்டில் வேலை வாய்ப்பு உயர்ந்து வருகிறது; ஆனால் கடந்த 7 ஆண்டுகளாக பணவீக்கத்துக்கேற்ப ஊதியம் உயரவில்லை என நீதி ஆயோக் உறுப்பினர் அரவிந்த் விர்மானி தெரிவித்தார்.

- 

புது தில்லி, மார்ச் 2:

பிடிஐ செய்தி நிறுவனத்துக்கு அவர் அளித்த பேட்டியில் மேலும் கூறியிருப்பதாவது: குறிப்பிட்ட கால தொழிலாளர் கணக்கெடுப்பின் (பிஎல்எஃப்எஸ்) தரவுகளின் படி, கடந்த 7 ஆண்டுகளில் பணி புரியும் தொழிலாளர்களின் எண்ணிக்கை அதிகரித்துள்ளது. அதாவது மக்கள்தொகை வளர்ச்சியை விட அதிக வேலைவாய்ப்புகள் உருவாக்கப்பட்டுள்ளன. இதில் சில ஏற்ற இறக்கங்கள் இருப்பினும், வேலைவாய்ப்புகள் அதிகரிக்கப்பட்டுள்ளதாக தரவுகள் தெரிவிக்கின்றன.