ஊழலற்ற நிர்வாகம் மூலம் பொருளாதார மறுமலர்ச்சி

எத்தனைத் தடைகள் வந்தாலும் ஊழலற்ற, நேர்மையான நிர்வாகம் மூலம் பொருளாதார மறுமலர்ச்சி ஏற்படுத்தப்படும் என்று ஆளுநர் உரையில் தமிழக அரசு உறுதிபடத் தெரிவித் துள்ளது.

- 

மேலும், நிதிநிலையை சீரமைத்து வாக்குறுதிகள் ஒவ்வொன்றாக நிறைவேற்றப்படும் என்றும் தமிழக அரசு தெரிவித்துள்ளது.

17-ஆவது தமிழக சட்டப்பேரவையின் முதல் கூட்டத் தொடர் வியாழக்கிழமை காலை 10 மணிக்கு தொடங்கியது. உரையாற்ற பேரவைக்கு வந்த ஆளுநர் ஆர்.வி.ஆர். லேகரை முதல்வர் ஜோசப் விஜய் வரவேற்றார். ஆளுநர் ஆங்கிலத்தில் உரையாற்றினார். சுமார் 45 நிமிஷங்கள் நீடித்த அவரது உரையை, தமிழில் பேரவைத் தலைவர் ஜே.சி.டி.பி. ரபாகர் வாசித்தார்.

ஆளுநர் ஆற்றிய உரை: தமிழகத்தில் மலிந்து கிடக்கும் ஊழலை வேரோடு அறுத்து நேர்மையான நிர்வாகத்தை அளிக்க தமிழக அரசு உறுதியாக உள்ளது. அனைத்துத் துறைகளிலும் கொள்முதல், ஒப்பந்தப்புள்ளிகள் வெளிப்படையாக்கப்படும். இடைத்தரகர்கள் தலையீடு முற்றிலும் ஒழிக்கப்படும்.