திமுக முன்னாள் எம்.பி.க்கு எதிரான வழக்கு: 6 மாதங்களில் முடிக்க உயர்நீதிமன்றம் உத்தரவு

காவல் ஆய்வாளர் மீது நடவடிக்கை எடுக்கவும் பரிந்துரை

- 

சென்னை, ஜூலை 30: திமுக முன்னாள் எம்.பி. ஞானதிரவியம் மீதான வழக்கின் விசாரணையை 6 மாதங்களில் முடிக்க திருநெல்வேலி நீதிமன்றத்துக்கு சென்னை உயர்நீதிமன்றம் உத்தரவிட்டது.

கடந்த 2023-ஆம் ஆண்டு திருநெல்வேலியில் மதபோதகர் காட்பிரே நோபிள் என்பவரைத் தாக்கியதாக, திமுக முன்னாள் எம்.பி. ஞானதிரவியம் உள்ளிட்ட 33 பேருக்கு எதிராக பாளையங்கோட்டை போலீஸார் வழக்குப் பதிவு செய்தனர். இந்த வழக்கை விரைவாக விசாரித்து முடிக்கக் கோரி சென்னை உயர்நீதிமன்றத்தில், காட்பிரே நோபிள் மனு தாக்கல் செய்தார்.

இந்த வழக்கை விசாரித்த உயர்நீதிமன்றம், 2024-ஆம் ஆண்டு நவம்பர் முதல் பாளையங்கோட்டை காவல் ஆய்வாளர்களாகப் பணியாற்றியவர்கள் நேரில் ஆஜராக உத்தரவிட்டிருந்தது.