நன்னிலம், வலங்கைமான், கூத்தாநல்லூரில் 'உங்களுடன் ஸ்டாலின்' திட்ட முகாம்

மன்னார்குடி, ஜூலை 17: மன்னார்குடியில் வாடகை லாரி உரிமையாளர்கள் சங்கத்தின் வேலைநிறுத்தம் காரணமாக, 2-ஆவது நாளாக வியாழக்கிழமை லாரிகள் இயக்கப்படவில்லை.

- 

இதனால், கொள்முதல் நிலையங்களில் நெல் மூட்டைகள் தேக்கமடைந்துள்ளன.

மன்னார்குடி வட்ட லாரி உரிமையாளர்கள் சங்கத்தில் 600-க்கும் மேற்பட்ட லாரிகள் உள்ளன. இந்த லாரிகள் மூலம் மன்னார்குடி, நீடாமங்கலம், கோட்டூர் பகுதிகளில் உள்ள அரசு நேரடி நெல் கொள்முதல் நிலையங்களுக்கு நெல் மூட்டைகளை கொண்டு வருவது, இங்கிருந்து அரைவை மற்றும் சேமிப்புக் கிடங்குகளுக்கு அனுப்பி வைப்பது போன்ற பணிகள் மேற்கொள்ளப்படுகின்றன.

இதற்காக, ஆண்டுதோறும் வாடகை தொடர்பாக, லாரி உரிமையாளர்கள் சங்கத்திற்கும், கொள்முதல் நிலைய ஒப்பந்ததாரர்களுக்கும் இடையே ஜூலை மாதம் பேச்சுவார்த்தை நடைபெறும். ஆனால், நிகழாண்டு, பேச்சுவார்த்தை நடத்த அழைப்பு விடுத்தும், ஒப்பந்ததாரர் தரப்பினர் இதுவரை வரவில்லை. இதனால், லாரி உரிமையாளர்கள் சங்கத்தினர் புதன்கிழமை (ஜூலை 16) வேலை நிறுத்தத்தை தொடங்கினர். இதுகுறித்து மன்னார்குடி கோட்டாட்சியரிடமும் மனு அளித்துள்ளனர்.

இந்நிலையில், 2-ஆவது நாளாக வியாழக்கிழமையும் வேலை நிறுத்தம் தொடர்ந்ததால், லாரிகள் இயக்கப்படவில்லை.

இதனால், அரசு நேரடி நெல் கொள்முதல் நிலையங்களில் இருந்து அரைவைக்கும், சேமிப்புக் கிடங்குகளுக்கும் நெல் மூட்டைகள் கொண்டு செல்லப்படாமல் தேங்கியுள்ளன.