சட்டம் ஒழுங்கைப் பாதுகாக்கத் தவறிய திமுக அரசு

தமிழகத்தை ஆளும் திமுக அரசு சட்டம் ஒழுங்கைப் பாதுகாக்கத் தவறிவிட்டதாக முன்னாள் அமைச்சர் ஆர்.காமராஜ் புதன்கிழமை செய்தியாளர்களிடம் பேசியபோது தெரிவித்தார்.

- 

நன்னிலம், ஜூலை 16:

அதிமுக பொதுச் செயலாளர் எடப்பாடி பழனிசாமி வெள்ளிக்கிழமை நன்னிலம் வருகிறார். அங்கு பொதுக்கூட்டம் நடைபெறும் இடத்தைப் பார்வையிட்ட காமராஜ் செய்தியாளர்களிடம் கூறியது: தமிழகத்தை ஆளும் ஸ்டாலின் தலைமையிலான திமுக அரசு சட்டம் ஒழுங்கைப் பாதுகாக்கத் தவறிவிட்டது. தவறு செய்யும் குற்றவாளிகள் எந்த ஒரு பயமும் இன்றி நடமாடுகிறார்கள். ஆனால் சாதாரணப் பொதுமக்கள் பயந்து கொண்டு வாழ வேண்டிய சூழ்நிலையை திமுக அரசு ஏற்படுத்தி உள்ளது.