பட்டாசு ஆலையில் வெடிவிபத்து: ஒருவர் உயிரிழப்பு

சாத்தூர் அருகே ஞாயிற்றுக்கிழமை பட்டாசு ஆலையில் ஏற்பட்ட வெடி விபத்தில் ஒருவர் உயிரிழந்தார். 5 பேர் பலத்த காயமடைந்தனர்.

- 

சாத்தூர், ஜூலை 6:

விருதுநகர் மாவட்டம், திருத்தங்கல் பகுதியைச் சேர்ந்தவர்கள் கணேசன் (50), காமராஜ் (48). இவர்கள் சாத்தூர் அருகேயுள்ள கீழத்தாயில்பட்டியில் பட்டாசு ஆலை நடத்தி வருகின்றனர். இந்த பட்டாசு ஆலையில் 50-க்கும் மேற்பட்ட அறைகளில் நூற்றுக்கும் மேற்பட்டோர் பணிபுரிந்து வருகின்றனர்.

இந்த ஆலையில் விடுமுறை நாளான ஞாயிற்றுக்கிழமை விதிமுறைகளை மீறி பணிகள் நடைபெற்றன. அப்போது, பட்டாசுகள் தயாரிக்கும் போது ஏற்பட்ட உராய்வின் காரணமாக, திடீரென தீப்பற்றி ஆலையில் வெடி விபத்து நிகழ்ந்தது.