கேரள சுகாதார அமைச்சர் பதவி விலகக் கோரி போராட்டம்

அரசு மருத்துவமனை கட்டடம் இடிந்த சம்பவம்

- 

திருவனந்தபுரம், ஜூலை 4: கேரள மாநிலம், கோட்டயம் அரசு மருத்துவக் கல்லூரி மருத்துவமனை கட்டடத்தின் ஒரு பகுதி இடிந்து விழுந்து பெண் உயிரிழந்த சம்பவத்தில், மாநில சுகாதார அமைச்சர் வீணா ஜார்ஜ் பதவி விலகக் கோரி, காங்கிரஸ், பாஜக உள்ளிட்ட எதிர்க்கட்சிகள் சார்பில் பல இடங்களில் வெள்ளிக்கிழமை போராட்டங்கள் நடைபெற்றன.

கோட்டயம் அரசு மருத்துவக் கல்லூரி மருத்துவமனையின் 10, 11, 14 ஆகிய வார்டுகளையொட்டிய கழிப்பறை வளாகம் வியாழக்கிழமை இடிந்து விழுந்தது.

பழைமையான இக்கட்டடத்தில் இயங்கி வந்த பிரிவுகளை, புதிய கட்டடத்துக்கு மாற்றும் பணி நடைபெற்றுவந்த நிலையில், இந்த விபத்து நேரிட்டது.

தனது மகளின் சிகிச்சைக்காக வந்திருந்த பிந்து (52) என்ற பெண் உயிரிழந்தார். மேலும் 3 பேர் காயமடைந்தனர்.