ஈரோட்டில் பிளஸ் 2 மாணவரை அடித்துக் கொன்ற சக மாணவர்கள் கைது

ஈரோட்டில் பிளஸ் 2 மாணவரை அடித்துக் கொலை செய்த சக மாணவர்கள் 2 பேரை போலீஸார் வியாழக்கிழமை கைது செய்தனர்.

- 

ஈரோடு, ஜூலை 3:

ஈரோடு குமலன்குட்டை செல்வம் நகரைச் சேர்ந்தவர் சிவா. தனி யார் கட்டுமான நிறுவன மேற்பார்வையாளர். இவரது மனைவி சத்யா. இவர்களுடைய மகன் ஆதித்யா (17), மகள் தர்ஷினி (13).

இதில் ஆதித்யா குமலன்குட்டை அரசு மேல்நிலைப் பள்ளியில் பிளஸ் 2 படித்து வந்தார். ஆதித்யா பள்ளிக்கு செல்வதாக வீட்டில் புதன்கிழமை காலை கூறிவிட்டு சென்றார்.

மாலையில் அவர் வீடு திரும்பாத நிலையில் பெற்றோர் பல்வேறு இடங்களில் தேடினர். அப்போது பள்ளிக்கு அருகில் உள்ள பகுதியில் சீருடை அணியாமல் சாதாரண உடையில் ஆதித்யா மயங்கிய நிலையில் கிடந்துள்ளார். அவரை அக்கம்பக்கத்தினர் மீட்டு ஈரோடு அரசு மருத்துவமனைக்கு புதன்கிழமை இரவு கொண்டு சென்றனர்.

அங்கு அவரைப் பரிசோதித்த மருத்துவர்கள் ஏற்கெனவே ஆதித்யா உயிரிழந்து விட்டதாகத் தெரிவித்தனர்.