பருவமழை முன்னெச்சரிக்கை தயார் நிலை

மாவட்ட ஆட்சியர்களுக்கு முதல்வர் உத்தரவு

- 

சென்னை, மே 19: தென்மேற்குப் பருவமழை காலத்துக்கான முன்னெச்சரிக்கை நடவடிக்கைகளை தயார் நிலையில் வைத்திருக்க வேண்டும் என்று மாவட்ட ஆட்சியர்கள் மற்றும் அதிகாரிகளுக்கு முதல்வர் மு.க. ஸ்டாலின் உத்தரவிட்டார்.

தென்மேற்கு பருவமழையை யொட்டி, தலைமைச் செயலகத்தில் அமைச்சர்கள், அதிகாரிகளுடன் அவர் திங்கள்கிழமை ஆலோசனை நடத்திய போது பேசியதாவது:

தென்மேற்குப் பருவமழையை எதிர்கொள்ளவிருக்கிறோம். இதில் இயல்பான மழைப்பொழிவுதான் இருக்கும் என்று இந்திய வானிலை ஆய்வு மையம் தெரிவித்திருக்கிறது. நிலத்தடி நீர்ப் பெருக்கம், காவிரி டெல்டா வேளாண்மை ஆகியவற்றுக்கு தென்மேற்கு பருவமழை துணையாக இருக்கிறது.