துருக்கி பொருள்கள் புறக்கணிப்பு போராட்டம் தீவிரம்

பாகிஸ்தானுக்கு ட்ரோன் உள்ளிட்ட ஆயுதங்களை வழங்கி உதவிய துருக்கி நாட்டுப் பொருள்களைப் புறக்கணிக்கும் போராட்டம் தீவிரமடைந்துள்ளது.

- 

புது தில்லி/லக்னெள, மே 16: பாகிஸ்தானுக்கு ட்ரோன் உள்ளிட்ட ஆயுதங்களை வழங்கி உதவிய துருக்கி நாட்டுப் பொருள்களைப் புறக்கணிக்கும் போராட்டம் தீவிரமடைந்துள்ளது.

ஆசியாவின் மிகப்பெரிய பழச் சந்தையான தில்லி ஆசாத்பூர் மண்டியில் துருக்கியில் இருந்து இனி ஆப்பிள்கள் இறக்குமதி செய்யப்பட மாட்டாது என அறிவிக்கப்பட்டுள்ளது. இது தொடர்பாக அந்த பழ மண்டி தலைவர் மேத்தா ராம் கிருபாலனி கூறுகையில், இந்தியா தொடர்பான துருக்கியின் சமீபகால செயல்பாடுகள் அதிருப்தி அளிப்பதாக உள்ளது. எனவே, எங்கள் மண்டிக்கும் அந்நாட்டுக்கும் இடையிலான வர்த்தக தொடர்பை நிறுத்த முடிவு செய்துள்ளோம்.