திரிணமூல் எம்.பி.யை கீழே தள்ளியதாக மத்திய அமைச்சர் மீது குற்றச்சாட்டு

மக்களவைத் தலைவருக்கு கடிதம்

- 

புது தில்லி, ஆக.23: மேற்கு வங்க மாநிலத்தில் உள்ள முர்ஷிதாபாத் தொகுதியின் திரிணமூல் காங்கிரஸ் எம்.பி. அபு தாஹிர் கானை மத்திய அமைச்சர் ரவ்நீத் சிங் பிட்டு கீழே தள்ளியதாக குற்றம் சாட்டி அவர் மீது நடவடிக்கை கோரி மக்களவைத் தலைவர் ஓம் பிர்லாவுக்கு அந்தக் கட்சியின் மூத்த தலைவர்கள் கடிதம் எழுதினர்.

தீவிர குற்றப் புகாரில் கைது செய்யப்பட்டு 30 நாள்கள் காவலில் வைக்கப்படும் பிரதமர், மாநில முதல்வர்கள் மற்றும் அமைச்சர்களைப் பதவியிலிருந்து நீக்கம் செய்வதற்கான மூன்று மசோதாக்களை மத்திய உள்துறை அமைச்சர் அமித் ஷா மக்களவையில் கடந்த புதன்கிழமை அறிமுகம் செய்தார்.