பாதுகாப்பு உற்பத்தியில் தற்சார்பு, நவீனமயத்துக்கு முக்கியத்துவம்

நாட்டில் கடந்த 11 ஆண்டுகளில் பாதுகாப்புத் துறை உற்பத்தியில் தற்சார்பு மற்றும் நவீனமயத்துக்கு முக்கியத்துவம் அளிக்கப்பட்டுள்ளது; இதனால், முன்னெப்போதும் இல்லாத வளர்ச்சியை இத்துறை கண்டுள்ளது என்று பிரதமர் நரேந்திர மோடி குறிப்பிட்டார்.

- பிரதமர் மோடி

புது தில்லி, ஜூன் 10:

மத்தியில் தேசிய ஜனநாயக கூட்டணி ஆட்சியின் 11 ஆண்டு கால நிறைவையொட்டி, அரசின் சாதனைகளை முன்னிறுத்தி, பிரதமர் மோடி எக்ஸ் வலைதளத்தில் தொடர்ந்து பதிவிட்டு வருகிறார்.

மத்திய அரசின் மக்கள் தொடர்புத் தளமான 'மைகவ்இந்தியா' வின் பதிவைப் பகிர்ந்து, அவர் செவ்வாய்க்கிழமை வெளியிட்ட பதிவில் கூறியிருப்பதாவது:

கடந்த 11 ஆண்டுகளில் நாட்டின் பாதுகாப்புத் துறையில் குறிப்பிடத்தக்க மாற்றங்கள் நிகழ்ந்துள்ளன. பாதுகாப்பு உற்பத்தியைப் பொருத்தவரை, நவீனமயம் மற்றும் தற்சார்புக்கு முக்கியத்துவம் அளிக்கப்பட்டுள்ளது.

இந்தியாவை வலிமையான நாடாக உருவாக்கும் உறுதிப்பாட்டுடன் நாட்டு மக்கள் ஒன்றிணைந்திருப்பது மகிழ்ச்சியளிக்கிறது என்று பிரதமர் குறிப்பிட்டுள்ளார்.