தில்லி சம்பவத்தை விசாரிக்க ‘என்ஐஏ’ சிறப்புக் குழு

புது தில்லி, நவ. 12: தில்லி செங் கோட்டை அருகே வெடி பொருள்க ளுடன் கார் வெடித்துச் சிதறிய சம்பவத்தை விசாரிக்க 10 பேர் கொண்ட தேசிய புலனாய்வு முகமை (என்ஐஏ) சிறப்புக்குழு நியமிக்கப்பட்டுள்ளது. இக்குழுவில் என்ஐஏ கூடுதல் இயக்கு நர் விஜய் சாக்கரே, ஒரு ஐஜி, இரண்டு டிஐஜிக்கள், மூன்று காவல் கண்காணிப்பாளர் நிலையிலான அதிகாரிகள், 3 காவல் துணை கண்காணிப்பாளர்கள் இடம்பெற்றுள்ளனர்.

- நமது நிருபர்

தில்லி செங்கோட்டை அருகே நிகழ்ந்த கார் வெடிப்பு சம்பவத்தையடுத்து விசாரணையில் என்.ஐ.ஏ. உள்ளது

சம்பவத்தில் உயிரிழந்தவர்களுக்கும் பயங்கரவாத இயக்கங்களுக்கும் இடையே நேரடி தொடர்பு உள்ளதா என்பதை இக்குழு விசாரிக்கும் என்று மத்திய உள்துறை வட்டாரங்கள் புதன்கிழமை தெரிவித்தன.

தில்லியில் திங்கள்கிழமை மாலையில் செங்கோட்டை அருகே கார் வெடித்த அதேநாள் காலையில் ஃபரீதாபாத்தில் சிலரை காவல் துறையினர் கைது செய்தனர். அந்த குழுவினருக்கும் செங்கோட்டை சம்பவத்தில் வெடித்துச் சிதறிய காரை ஓட்டிய உமர் நபி என்பவருக்கும் இடையிலான ஒற்றுமை, அவர்கள் அனைவரும் ஃபரீதாபாதில் உள்ள அல்ஃபா தனியார் பல்கலைக்கழகத்தில் பணியாற்றியதுதான் என புலனாய்வில் தெரிய வந்துள்ளது.