ஒரே நேரத்தில் 3 லட்சம் பேர் யோகா: கின்னஸ் சாதனை படைத்த பிரதமரின் நிகழ்ச்சி

ஆந்திர மாநிலம், விசாகப்பட்டினத்தில் பிரதமர் நரேந்திர மோடி தலைமையில் 3 லட்சத்துக்கும் மேற்பட்டோர் பங்கேற்ற பிரம்மாண்டமான யோகா நிகழ்ச்சி கின்னஸ் சாதனை புத்தகத்தில் இடம் பிடித்தது.

- 

விசாகப்பட்டினம், ஜூன் 21:

ஆந்திரத்தில் மொத்தம் 23 உலக சாதனைகள் (2 கின்னஸ், 21 உலக சாதனைப் புத்தகம்) படைக்கப்பட்டதாக முதல்வர் சந்திரபாபு நாயுடு தெரிவித்தார்.

சர்வதேச யோகா தினத்தையொட்டி, விசாகப்பட்டினம் ஆர்.கே.கடற்கரையில் இருந்து போகாபுரம் வரையிலான 26 கி.மீ. தொலைவிலான சாலையில் சனிக்கிழமை நடைபெற்ற வண்ணமிகு நிகழ்ச்சியில் பிரதமர் மோடி தலைமையில் 3 லட்சத்துக்கும் மேற்பட்டோர் பங்கேற்று யோகாசனப் பயிற்சிகளை மேற்கொண்டனர்.