போக்ஸோவில் 350 ஆசிரியர்கள் கைது; 50 பேர் பணியிலிருந்து விடுவிப்பு

போக்ஸோ சட்டத்தின் கீழ் தமிழகத்தில் இதுவரை 350 ஆசிரியர்கள் கைது செய்யப்பட்டு, இவர்களில் 50 பேர் பணியிலிருந்து விடுவிக்கப்பட்டுள்ளனர் என்று பள்ளிக் கல்வி இயக்குநர் எஸ்.கண்ணப்பன் தெரிவித்தார்.

- 

வேலூர், ஜூன் 14:

பள்ளிக் கல்வித் துறை, விஐடி பல்கலைக்கழகம் சார்பில் வேலூர் மாவட்ட அரசு பள்ளி மாணவர்களின் வெற்றிக்கான சவால்கள், வழிமுறைகள் குறித்த கருத்தரங்கம் விஐடி அண்ணா அரங்கத்தில் சனிக்கிழமை நடைபெற்றது.

இதில், வேலூர் மாவட்டத்தில் உள்ள 8 வட்டாரங்களைச் சேர்ந்த பள்ளி தலைமை ஆசிரியர்கள், ஆசிரியர்கள் பங்கேற்று தங்களது கருத்துகளைத் தெரிவித்தனர்.

விழாவில் சிறப்பு விருந்தினராக பள்ளிக் கல்வித் துறை இயக்குநர் எஸ்.கண்ணப்பன் பங்கேற்றுப் பேசியது: மாணவிகளை ஆசிரியர்கள் குழந்தைகளாகப் பாவிக்கவேண்டும். தமிழகம் முழுவதும் இதுவரை 350 ஆசிரியர்கள் போக்ஸோ சட்டத்தில் கைது செய்யப்பட்டுள்ளனர். இவர்களில் 50 பேர் பணியிலிருந்து விடுவிக்கப்பட்டுள்ளனர்.