புதிய போப் 14-ஆம் லியோ பதவியேற்பு

திருச்சபையின் ஒற்றுமைக்குப் பாடுபட உறுதி

- 

வாடிகன், மே 18: வாடிகன் புனித பீட்டர் சதுக்கத்தில் ஞாயிற்றுக்கிழமை நடைபெற்ற கோலாகல நிகழ்வில் புதிய போப்பாக (கத்தோலிக்க திருச்சபையின் தலைவர்) 14-ஆம் லியோ அதிகாரபூர்வமாக பதவி ஏற்றுக் கொண்டார்.

தொடர்ந்து, உலக அமைதியின் அடையாளமாக கத்தோலிக்க திருச்சபையை மாற்ற அதன் ஒற்றுமைக்காக பாடுபடுவதாக உறுதியேற்ற போப் 14-ஆம் லியோ, பிரத்யேக வெள்ளைநிற வாகனத்தில் உலா வந்து மக்களுக்கு ஆசி வழங்கினார்.

நிகழ்வில் பல்வேறு உலக நாடுகளின் தலைவர்கள் கலந்துகொண்டதால், வாடிகன் மற்றும் ரோமில் பாதுகாப்பு பலப்படுத்தப்பட்டிருந்தது.

வயது முதிர்வு காரணமாக கத்தோலிக்க திருச்சபையின் 266-ஆவது தலைவர் போப் பிரான்சிஸ் கடந்த மாதம் காலமானார்.