கலைஞர் கைவினைத் திட்டத்தில் தொழில் கடன் பெற அழைப்பு

திருப்பூர் மாவட்டத்தில் கலைஞர் கைவினைத் திட்டத்தில் தொழில்கடன் பெற்று தொழில் தொடங்கவும், விரிவாக்கம் செய்து கொள்ளவும் அழைப்பு விடுக்கப்பட்டுள்ளது.

- 

திருப்பூர், ஜூலை 22:

இது குறித்து மாவட்ட ஆட்சியர் மனீஷ் விடுத்துள்ள செய்திக் குறிப்பு: திருப்பூர் மாவட்டத்தில் கைவினை கலைகள் மற்றும் தொழில்களில் உள்ளோருக்கு சுயவேலை வாய்ப்பை உருவாக்கும் பொருட்டு கலைஞர் கைவினைத் திட்டம் மாவட்ட தொழில் மையம் மூலம் செயல்படுத்தப்பட்டு வருகிறது.

இத்திட்டத்தின் கீழ் ரூ.3 லட்சம் வரை பிணையற்ற கடனுதவி மற்றும் ரூ.50,000 வரை மானியம் பெறலாம். 5 சதவீதம் வரை வட்டி மானியம் வழங்கப்படும். இத்திட்டத்தின் கீழ் விண்ணப்பிக்கும் தொழில்முனைவோருக்கு திறன் மேம்பாட்டுக்கான சிறப்பு பயிற்சிகள் வழங்கப்படும்.