அசுதோஷ் அதிரடி; டெல்லி 'த்ரில்' வெற்றி

ஐபிஎல் போட்டியின் 4-ஆவது ஆட்டத்தில் டெல்லி கேப்பிட்டல்ஸ் 1 விக்கெட் வித்தியாசத்தில் லக்னௌ சூப்பர் ஜயன்ட்ஸை திங்கள்கிழமை வென்றது.

- 

விசாகப்பட்டினம், மார்ச் 24: ஐபிஎல் போட்டியின் 4-ஆவது ஆட்டத்தில் டெல்லி கேப்பிட்டல்ஸ் 1 விக்கெட் வித்தியாசத்தில் லக்னௌ சூப்பர் ஜயன்ட்ஸை திங்கள்கிழமை வென்றது.

முதலில் லக்னௌ 20 ஓவர்களில் 8 விக்கெட்டுகள் இழப்புக்கு 209 ரன்கள் சேர்க்க, டெல்லி 19.3 ஓவர்களில் 9 விக்கெட்டுகள் இழந்து 211 ரன்கள் எடுத்து வெற்றி பெற்றது. இக்கட்டான சூழலில் டெல்லி வீரர் அசுதோஷ் சர்மா அதிரடியாக விளையாடி அணியை 'த்ரில்' வெற்றிக்கு வழிநடத்தினார்.

முன்னதாக டாஸ் வென்ற டெல்லி, பந்துவீச்சை தேர்வு செய்தது. லக்னௌ இன்னிங்ஸை தொடங்கிய எய்டன் மார்க்ரம் - மிட்செல் மார்ஷ் கூட்டணி, முதல் விக்கெட்டுக்கு 46 ரன்கள் சேர்த்தது. இதில் 1 பவுண்டரி, 1 சிக்ஸருடன் 15 ரன்களுக்கு மார்க்ரம் ஆட்டமிழந்தார்.