நார்த்தங்காய் வரத்து அதிகரிப்பு

திருநெல்வேலி உழவர் சந்தைகளுக்கு நார்த்தங்காய் வரத்து அதிகரித்துள்ளது. கிலோ ரூ.25 முதல் தரத்திற்கு ஏற்ப விற்பனையாகி வருகிறது.

- 

திருநெல்வேலி, ஆக. 31: திருநெல்வேலி உழவர் சந்தைகளுக்கு நார்த்தங்காய் வரத்து அதிகரித்துள்ளது. கிலோ ரூ.25 முதல் தரத்திற்கு ஏற்ப விற்பனையாகி வருகிறது.

தென்னிந்திய உணவுகளில் ஊறுகாய்களுக்கு தனி இடம் உண்டு. எலுமிச்சை, மாங்காய்க்கு அடுத்ததாக நார்த்தங்காய், பூண்டு ஊறுகாய் அதிகளவில் பயன்படுத்தப்பட்டு வருகிறது. வெயிலின் தாக்கம் அதிகரித்துள்ளதால் எலுமிச்சையின் விலை உயர்ந்துள்ளது.

ஆனால், காய்ப்பு சீசன் தொடங்கியுள்ளதால் நார்த்தங்காய் வரத்து அதிகரித்துள்ளது. திருநெல்வேலி மாவட்டத்தில் பணகுடி, களக்காடு உள்ளிட்ட மேற்குத் தொடர்ச்சி மலையடிவார தோட்டங்களிலும், குற்றாலம், புளியறை, சங்கரன்கோவில் பகுதி தோட்டங்களிலும் நார்த்தங்காய் மரங்கள் அதிகமுள்ளன.