கல் குவாரி பிரச்னை: தமிழ் தேசிய பார்வர்டு பிளாக் நிர்வாகி குத்திக் கொலை

கல் குவாரி விவகாரத்தில், தமிழ் தேசிய பார்வர்டு பிளாக் கட்சி நிர்வாகி கம்பம் அருகே திங்கள்கிழமை குத்திக் கொலை செய்யப்பட்டார். இதையடுத்து, அவரது உடலை வாங்க மறுத்து உறவினர்கள் போராட்டத்தில் ஈடுபட்டனர்.

- 

உத்தமபாளையம், ஆக. 26: கல் குவாரி விவகாரத்தில், தமிழ் தேசிய பார்வர்டு பிளாக் கட்சி நிர்வாகி கம்பம் அருகே திங்கள்கிழமை குத்திக் கொலை செய்யப்பட்டார். இதையடுத்து, அவரது உடலை வாங்க மறுத்து உறவினர்கள் போராட்டத்தில் ஈடுபட்டனர்.

தேனி மாவட்டம், கம்பம் அருகேயுள்ள காமயகவுண்டன்பட்டி பேரூராட்சியில் சங்கிலிக்கரடு என்ற மேற்குத் தொடர்ச்சி மலைப் பகுதியில் வருவாய்த் துறைக்குச் சொந்தமான கல் குவாரி உள்ளது.

இந்தக் கல் குவாரியில் கல் உடைத்து எடுப்பதற்கு மகளிர் சுய உதவிக் குழுக்களுக்கு அனுமதி அளிக்கப்பட்டது. மேற்குத் தொடர்ச்சி மலை பாதுகாக்கப்பட்ட வனமாக மாற்றப்பட்டதை அடுத்து, இந்தக் கல் குவாரியில் கல் உடைப்பதற்கு மகளிர் சுய உதவிக் குழுக்களுக்கான அனுமதி ரத்து செய்யப்பட்டது.